如何成功申請入會呢？

Eric · 2017-06-29 13:33:02

各位天體朋友，如果大家有留意本討論區內，我發表過的主題都會留意到，我辦會是有一定要求的！無論對自已和會員都有要求，而且我會申請入會程序過程演變成一個系統化，初期成為會員的會比較簡單，但我覺得不夠完善，故現已續步優化，申請入會表格已由1.0》1.1》1.2，已更新或修改了三次！當中修改也詢問有豐富天體經驗的天體朋友，一起進行修改，在這要非常多謝他的幫助。在未來的時間期望組織會有一套機制，能評估什麼人適合加入成為會員。他朝有一日，我退下來，也會有人承傳下去，不至於我在會在，我亡會亡。我說到這裡，大家會覺得大長遠啦！小小的會就要攪甘多野！大家可能唔明白，喜歡做事，就是這樣認真的人，一係唔做，一做得長，並且遠，才有動力做下去，不然遇到困難就會好快放棄，開頭難唔緊要，先苦後甜啫，雖然辦會的而且確辛苦，十萬樣事情要處理，要安排！但你看著他一路成長，進步是一件非常開心的事情！我沒有在過程中賺取分毫！但過程中學習到的東西，認識到的朋友，我已經覺得賺左，在這過程中見到會員開心，我是很安慰，很滿足，很開心的！

大家有留意我的文章中都會知道，我透露收會員的人數，最重要都係重質，唔重量！記住入會係唔收會費，我無收會員壓力架？大家申請入會時，有無念過一個問題？點解要收你做會員呢？我又唔識你，你又唔係什麼特別明星？你為會貢獻過什麼呢、為會付出過什麽呢？當然入會時人人公平，每人都係填同一分申請入會表格，甘點解有人成功申請，另外又唔成功呀？我可以講給大家知道！填寫申請表格中已經反影了一個成功率！我奕會考慮好多因素來決定你是否適加入成為會員！我們唔係辦講座會，你填好表格就有專人通知你，好隨便就成功，不用經過審批，我辦的會不是這樣隨便！即申請、即批核、即知結果！你睇得電視廣告太多啦！最簡單你連填申請入會表格都唔認真填寫，求其填寫以為我不會認真睇，如果你抱住幸運心態，博我求會員心切，你就大錯特錯了，我辛苦努力辦會，事事親力親唯，你估我會求其收會員嗎？我收會員有一定要求和準則！第一我要確認你是天體愛好者，第二有誠意加入嗎？如何令到我覺得有誠意入會呢？大家睇睇我打左成萬字以上，發表不同文章，制作申請表格、攪活動，處理回覆和批核申請人表格，處理會員提問，我親力親為！大家覺得我有沒有誠意辦好組織（會）呢？想知申請者有沒有誠意，由第一步的填寫表格已略知一二！個個都話自己喜歡天體，在家平時有天體，就話自己係天體愛好者！簡單幾句！講真我收到不止於十個以上這樣的申請，當然我先保持中立態度，先相信！及後我會在腦海中提出好多疑問？係咪唔著衫就等於天體呢？甘冲涼時都唔著衫係咪為之天體呢？你什麼時候天體，什麼地方天體？想過什麼地方天體？有無參加過其他天體活動？有什麼人與你一起天體？經歷過什麼天體，最難忘天體的事情是什麼？如果你能具體指出，我就信相你係天體愛好者。求其填上六個大字：「平時在家天體」甘就完！當然我唔否定你真係天體愛好者啦！但你都比唔到機會我深入了解到你是一個真的天體愛好者！單靠六個大字，可令我信服嗎？要我花更多時間了解你，評估你，再批核你，我不如花時間在認真填寫表格的人身上，大家覺得合理嗎？填份申請表都求其填寫，我只可以用準備的回覆：「你的申請不獲接納，謝謝！」坦白講這幾個月就浪費了許多這些人身上，就只有少數，我覺得真係有誠意的，才成功會！所以每位申請者，請你認真填寫你的申請表格，你有幾認真填寫，我就有幾認真批核，大家都是雙對的，唔好抱住：一試無防，試左無壞的心態。講真會席只得少量，正所謂一席難求！要成功批核都留給有誠意，認真的人啦！點會留比填份表格只用一分鐘，就按鈕傳送給我！我用30秒就睇完！然後我又指定動作，唔批你！這樣無意思架！

至於講專長，大家都填「無」，真吹脹！申請表格加得上去，就有目的和原因啦！正所謂天生我材必有用，講真我都可以話沒有太多專長，但對舉辦活動有興趣！游水、單車、爬山樣樣唔精，但唔會話唔識！是否我字眼上太過強烈，以為專長就係一定奧運金牌選手，劍擊冠軍等，先算做專長，我唔係要這樣！你可以簡單講下：我喜歡煮野食，不論好食唔好食，就是鐘意煮！這樣可以加深我對你的印象！又令我聯想到，將來有機去租渡屋活動時，舉辦一個煮食比賽！這樣我都有機會聯想到你！對活動都有幫助。大家填「無」，令我無任何東西或需要聯想起你的機會，那你加入會有什麼意思呢？我作為一個活動的主辦人，角色不是的奴僕要服侍主人，個個來到會時，都要等我服侍周到大家，我深信這個會好快消失，因為我已過度疲累，積勞成疾！所以我期望出席活動時都願意付出，主動幫忙，不是只自顧自已，不理會別人的會員，大家出一分力！十個有七分力，起碼可以減輕我負擔！共同建立好這個會！本會不需要木頭，來到就乜都唔做等服侍！如果提大家填「無」！「無」即是無原因選擇你，試問都沒有原因擇選你，我會把珍貴的會席給你嗎？我這樣認真辦會，你就草草地填表格申請入會，這是有誠意的態度加入嗎？這樣公平合理嗎？請大家入會前多閱讀我的文章！感覺我是怎樣的人，並且認真了解這個會是否適合你！我們期望發展真誠的友誼，可持續性長遠發展！

以下幾種不適合入會：
1）抱著一試無防，試左無壞的心態
2）主要目的想看男女裸體
3）不願意遵守會規
4）自私自利，不顧他人
5）有才華，無誠意

辦會目的：
成立會是結集一班理念一樣，出來一齊玩、一齊聚會、一齊分享！多個人多分力量！

為何一定要成為會員才可參加活動呢？
好簡單，讓我了解和認識你的理念，思維是否正確！理念要大至一樣，才可以關係長遠發展！所以必須經過入會過程，經過審批確信理念大至相同！成為會員才能與其他會員融入！

Last edited by Eric (2017-08-21 07:47:26)

3domslide · 2017-07-14 16:27:35

Eric wrote:

............
以下幾種不適合入會：
1）抱著一試無防，試左無壞的心態
2）主要目的想看男女裸體
3）不願意遵守會規
4）自私自利，不顧他人
5）有才華，無誠意

1 同 2 兩點好難講
1) 有 d 未曾試過但想試, 但都現場又冇膽做, 我有朋友就試過咁;
2) 看異性裸體無分男女, 就算我阿媽都會望我老公個 body, 出海玩時老公 d 朋友夠膽脫我都有膽睇, 我幾個女性朋友 body 老公冇望唔會有人信, 好奇心點都有 d, 不要想歪就得啦.

以上愚見, 有怪莫怪.

nudist_man · 2017-07-15 12:12:07

3domslide wrote:

看異性裸體無分男女, 就算我阿媽都會望我老公個 body, 出海玩時老公 d 朋友夠膽脫我都有膽睇, 我幾個女性朋友 body 老公冇望唔會有人信, 好奇心點都有 d, 不要想歪就得啦.

我想重點是"主要目的"這一點，別人在面前裸體活動，想唔望都好難。問題係望的心態是"主要"與否吧。

-- Be nude, be happy

Eric · 2017-07-17 13:22:42

nudist_man wrote:

3domslide wrote:
看異性裸體無分男女, 就算我阿媽都會望我老公個 body, 出海玩時老公 d 朋友夠膽脫我都有膽睇, 我幾個女性朋友 body 老公冇望唔會有人信, 好奇心點都有 d, 不要想歪就得啦.
我想重點是"主要目的"這一點，別人在面前裸體活動，想唔望都好難。問題係望的心態是"主要"與否吧。
-- Be nude, be happy

無錯！睇唔真係緊要，唔通活動時要蒙眼進行！不會的！重點係個個都問有無女會員參加，但自己又唔帶女會員來喎！大家行出一步，你睇我，我睇你，這才開心麻！我又係重覆句話：閣下有沒有帶女性朋友來參加聚會呢？如果沒有就不要要求有女會員出席了！如果直接說：沒有女會員出席活動，不會出席活動，我反而欣賞你甘講。起碼不會浪費我時間，但我腦海裏想的是，如果沒有女會員就不出席活動！自己又唔帶女會員，我都唔知那人為什麼申請入會！那人可能申請入會目的只有一個，只為睇裸女，每次活動都只會問有無女會員，那就唔好浪費大家時間，因為是否有女會員出席，我係控制唔到，每次都要答同一個問，我未必有太多時間，因為我又要花時間精神審閱申請表，安排舉辦活動，然後要通知各會員，試問要處理事項何其多！所以請不要再問有沒有女會員這個問題！閣下帶來就一定有！

KittyLeung2018 · 2017-07-22 16:42:32

雖然我係新會員，今次見到這網站就決心入會，有冇女性唔係重點，只想感受光著身體在室外的感覺，而且有主持同熱愛天體的朋友一起，試過一個人在山邊天體，但冇人一起，會有點害怕。擔心比女士見到，話我咸濕佬，報警。

wwmanthony · 2017-10-01 21:51:27

KittyLeung2018 wrote:

雖然我係新會員，今次見到這網站就決心入會，有冇女性唔係重點，只想感受光著身體在室外的感覺，而且有主持同熱愛天體的朋友一起，試過一個人在山邊天體，但冇人一起，會有點害怕。擔心比女士見到，話我咸濕佬，報警。

你好呀⋯我諗既同你一樣

Eric · 2019-03-01 23:12:04

相信天體理念一致的你會成為會員！多看看本會的網站，就會發現好要成為會員，不是一件太難，但也不是容易的事情！當然，我唔介意大家嘗試的！但唔好講話連天體都未試過，就話好好好喜歡天體！就如喜歡打機，卻從來沒有打過機，喜歡游水，但從未都無游過水，那講得通嗎？所以唔好浪費時間！雖然本會不收任何會費，但從來沒有濫收會員，貴精不貴多！本會從不介意，多少會員！又不是為賺錢⋯⋯

clothesFREE

Announcement

#1 2017-06-29 13:33:02

如何成功申請入會呢？

#2 2017-07-14 16:27:35

Re: 如何成功申請入會呢？

#3 2017-07-15 12:12:07

Re: 如何成功申請入會呢？

#4 2017-07-17 13:22:42

Re: 如何成功申請入會呢？

#5 2017-07-22 16:42:32

Re: 如何成功申請入會呢？

#6 2017-10-01 21:51:27

Re: 如何成功申請入會呢？

#7 2019-03-01 23:12:04

Re: 如何成功申請入會呢？

Board footer